Cataviddotta

Dâ Wikipedia, la nciclupidìa lìbbira.
Cataviddotta
Caltabellotta-Stemma.png
Muttu:  
Nomu ufficiali: Caltabellotta
Pruvincia: Girgenti
Superfici: 123 km²
Abbitanti: 4.485
Dinzitati: 36 ab./km²
Cumuni cunfinanti: Busacchinu, Burgiu, Calamònaci, Chiusa Sclafani, Giuliana, Ribbera, Sammuca, Sciacca, Villafranca Sicula
CAP: 92010
Prifissu telefònicu: +0925
Situ ufficiali: {{{situufficiali}}}

Cataviddotta è un cumuni di 4.485 abbitanti dâ pruvincia di Girgenti. L'abbitanti vennu chiamati "catavidduttisi".

Storia[cancia | cancia la surgenti]

Pi la sò pusizzioni giogràfica e li sò capisaldi tirrituriali, vinni idintificata di stòrici dâ livatura di l'Inveges, dû Boudrand e di Gaetani Ottaviu, cu l'antica citati Sicana di Camico, supra li cui ruini surgìu la greca Triocala ca devi lu sò nomu a tri doni di matri natura: la rocca, l'abbunnanza e la ducizza di l'acqui e la fruttuusitati ubbirtusa dî sò campagni. Triocala fu na citati antica putenti, ma la sò putenza màssima fu junciuta a l'èbbuca di Sarviu Trifuni, ca a capu di servi fujitivi, nstallau nta sta citati la sò corti. Fici custruiri un palazzu magnìficu e rigali. Rignau nzinu a lu 99 a.C., quannu lu Cònzuli rumanu Aquiliu, n una dî guerri sirvili, la radìu a lu solu. "Et mox servili vastata Triocala bello".

Panurama di Cataviddotta.

Riedificata, subbìu ancora la sorti dâ divastazzioni pi manu di l'Àrabbi, li quali custrueru lu "Casteddu dî cherzi, n àrabbu "Qual-At-Ballut" e, dû quali, comu certamenti si ntuisci, discinni l'attuali nomu di Cataviddotta. Cu lu pirìudu Nurmannu, vinni la fama, cunquistata ntô 1090 di Ruggeru lu Nurmannu, chistu nfriggìu na dura scunfitta a l'Àrabbi e a pirenni ricordu edificau supra lu munti un tempiu n onuri di San Giorgiu cu òrdini di culunnati duppiu, di cui oi nun resta rasti. Cataviddotta fu citati dimaniali, appartinni a lu Conti Luna e, pi attu dutali â famigghia Muncada. Ntô 1713, divinni Signurìa di Giuseppi Álvarez Toledo e nzinu a lu XIX sèculu a li sò discinnenti.

Antica sedi viscuvili[cancia | cancia la surgenti]

Sinu di l'arba dû cristianèsimu Triocala fu sedi viscuvili cu lu protuvìscuvu San Piddigrinu, lu quali sbarcatu a Capu Biancu, nta l'accussidditta "Cartàggini nica", pruvinenti di Lucca di Grecia, quannu agghicau nta sta citati, scunfiggìu un dracuni mitulòggicu ca campava nta n'antru nutricànnusi jurnarmenti d'un giùvini pastu umanu. Lu Piddigrinu, fici pricipitari la vestia ntô barrancu e pigghiau comu casa dda stissa grutta, nzinu â fini dû sò passaggiu tirrenu, campannu n santitati. Câ cunquista àrabba, la sedi viscuvili fu trasfiruta a Sciacca e nfini chî nurmanni a Girgenti.

La paci di Cataviddotta[cancia | cancia la surgenti]

La Guerra dî Vespri Siciliani, scrivìu la palora "Fini" supra lu munti Casteddu, autramenti canusciutu comu lu "Pizzu di Cataviddotta. Lu 31 di austu di l'annu dû Signuri 1302, ntô casteddu dû Pizzu, prubbabbirmenti, si firmau lu trattatu di paci, pi lu quali Fidiricu III vinni ricanusciutu Rè di Trinacria, cu lu mpegnu a cunvulari a nozzi cu Eleonora d'Angiò, soru di Rubbertu Rè di Nàpuli, punennu tèrmini â guerra dû vespru.

Lijami di fora[cancia | cancia la surgenti]