Catalugna

Dâ Wikipedia, la nciclupidìa lìbbira.
(Rinnirizzata di Catalogna)
Mappa dâ Spagna câ Catalugna n russu

La Catalugna (n catalanuCatalunya e n spagnoluCataluña) è la riggiuni cintrali di l'aria unni si parra lu catalanu, e è una dî 17 cumunitati autònumiSpagna, ntâ parti nord orientali dâ pinìsula. Fa 32.114 chmq;, ccu na pupulazzioni di 6,5 miliuna di abbitanti e havi Barcillona comu capitali.


La Catalugna custituisci lu nùcliu origginali e la parti dû tirritoriu cchiù mpurtanti unni è prisenti la lingua e la curtura catalana. La riggiuni sturica dâ Catalugna cumprenni macari la Catalugna sittintriunali (n catalanu: Catalunya Nord), na pruvincia dâ Francia1659. La cunfinanti riggiuni di Valencia (n catalanu: València), li Isuli Baliari (n catalanu: Illes Balears), Andorra, e n'aria cunfinanti di l'Aragona (nfurmarmenti chiamata a Francha de Lebante) sunnu strittamenti assuciati sturicamenti e linguisticamenti ccâ Catalugna. L'aria ntera è nurmarmenti nnicata comu Paisi Catalani (n catalanu: "Països Catalans").


Lu tèrmini Catalugna è talvota usatu dî catalani ppi ndicari tutta l'aria unni si parra lu catalanu. Nta chistu casu la Catalugna è chiamata U Principatu (n catalanu: "el Principat") o Catalugna Prupria (n catalanu: "la Catalunya estricta"). Chista tirminoluggìa è usata sulu marginarmenti.


Lu nomu ufficiali dû Cuvernu di Catalugna (nclusu lu Cunzigghiu, lu Parlamentu e lu Prisidenti) è "Generalitat de Catalunya" n catalanu o "Generalidad de Cataluña" n castigghianu (macari siddu n pratica chista forma è rara, a tindènza è di usari lu nomu catalanu puru n spagnolu). Arcuni applicanu scurrittamenti chistu nomu sulu ô Cunsigghiu, comu siddu fossi a midemma cosa dû Gabbinettu. A Generalitat è lu sistema (autònumu) di guvernu dintra lu statu spagnolu, ca nun è sutta l'auturitati diretta dû guvernu cintrali di Madrid.


La riggiuni godi di n'autunumìa estesa e, p'asempiu, havi la sô forza di pulizzìa (Mossos d'Esquadra), ca coesisti ccâ Guardia Civil e la Policia Nacional, diretti dû guvernu spagnolu.

La bannera dâ Catalugna

Ô cuntrariu dî cumunitati autònumi di Navarra e Paisi Baschi, nun havi lu sô prupriu sistema fiscali, quinni lu sustintamentu ecunòmicu dâ mministrazzioni riggiunali addipenni quasi cumplitamenti dû bilanciu dû guvernu spagnolu.

La divisioni mministrativa spagnola cumprenni quattru pruvinci: Barcillona, Girona, Lleida, Tarragona.


L'innu dâ Catalugna è "Els Segadors", la bannera è la "Senyera".

La Festa Nazziunali è l'11 di sittèmmiru, data dâ scunfitta di Barcillona a l'esercitu Franco-Castigghianu di Filippu V di Spagna.

Viditi puru:

Culligamentu esternu


Cumunità autònumi di Spagna Cumunità autònumi di Spagna
Andalusia · Araùna · Asturi · Baliari · Canari · Cantabria · Castiglia‑La Mancia · Castigghia e León · Catalugna · Estremadura · Galizzia · La Rioja · Madrid · Murcia · Navarra · Paisi Baschi · Valencia