Cassateddi

Dâ Wikipedia, la nciclupidìa lìbbira.
Cassateddi rausani.

Li cassateddi sunnu na spicialitati siciliana duci. Nun s'hannu a cunfunniri chê cassati ca si servunu friddi, abbersu gilatu.

Cassateddi di Rausa[cancia | cancia la surgenti]

Assai diffusa ntâ zona di Rausa e pruvincia. A diffirenza dî cassati, li cassateddi si priparanu a basi di pasta frisca, stinnuta, ricotta zuccurata, e la pasta si gnuttica ppi chiuiri la ricotta ntâ na cuppitedda di na dicina di cintimitri di diamitru.

Li cassateddi si còcinu ô furnu e si ponnu manciari càudi, appena nisciuti dô furnu.

Ntâ tradizzioni rausana, li cassateddi si priparanu ppi la Pasqua. Ppi chistu vènnu chiamati spissu cassateddi ri Pasqua.

Cassateddi trapanisi[cancia | cancia la surgenti]

Cassateddi trapanisi.

Li cassateddi su puru un dorci trapanisi, chi nasciu nà zona ri Calatafimi e Àrcamu. Comu li cassateddi di Rausa, si fannu cu la ricotta, ma la forma è differenti. Infatti la cassatedda arcamisi havi la forma di menza luna. La pasta di li cassateddi quannu si cocinu addiventa china di "papuli" chi ci dunanu cchiù sapuri.