Carnaluvari di Trinidad e Tobbagu

Dâ Wikipedia, la nciclupidìa lìbbira.

U Carnaluvari di Trinidad e Tobbagu jè n'eventu annuali di puttata mundiali comu u "Carnaluvari di Venezzia", u "Carnaluvari di Viareggiu, u "Carnaluvari di Riu de Janeiru".

U schieramentu "Thundermen" dâ sezioni "Strong Men and Rude Girls" gruppu "Legends" ô "Gran Baccanal" dû Màrtiri Grassu.

Ìndici[cancia | cancia la surgenti]

Palora Significatu
Bacchanal da Baccanale, latinu: Bacchanalia fistinu latinu prupiziaturiu o rievucativu. Rituali a favuri dû Diu Baccu.
Masquerade accurzatu “Mas”: Màscarata. "Masquerader”: Màscarati, pirsunaggi in custumi o fijuranti dî Band.
Canboulay francisi “cannes” e da “brulées”, chi significa “vastuni abbruciati”. Simulazzioni di cummattimenti chê vastuni e riti prucissionali rievucativi e cummemorativi ô lustru di ntorcie o di canni di bambù o di zuccuru addumati.
Carnival Sunday o “Old Mas” o “Big Sunday” o “Fat Sunday” o “Dimanche Gras” o Duminica di Carnaluvari. Nomina dû Re e dâ Riggina dû Carnaluvari. Suvrani o Munarchi assuluti dû Carnaluvari.
J'Ouvert o “Carnival Monday” o “Fat Monday” o “Lundì Gras” o Lùniri Grassu: dô francisi “jour ouvert” o “day open”, rievucazzioni di riti “Canboulay” dô carattiri spinziratu e cummemurativu.
Carnival Tuesday o Mardi Gras o “Fat Tuesday” o “Shrove Tuesday” o “Pancake Day” o Martedì Grasso o Màrtiri Grassu. Iùornata finali dû Carnaluvari cû la Gran Parata dî Gruppi Màscarati.
Ash Wednesday o “Mercredi des Cendres”o Mercoledì delle Ceneri o Mèrcuri rê Cìnniri. Prima iùornata di Quaresima.
Jumping up sàutu di esultanza e di realizzazzioni. I màscarati cchiù acrobatici arrinìesciunu facendu mìenzu giru attornu a iddi stissi, manifestandu espressioni d'incitazzioni o facendu scantari pî fari tunnari arrìeri cu veni avanti.
Wining o “winding” o “gyrating of the hips” o “gyrate”: annacamentu, muvimentu eroticu dî cianchi, natichi e anchi c’assumigghia all'accuppiamentu ntê balli "Soca Calypsu".
Playing mas o “jucari mas”: tuttu chiddu chi jè possibili fari duranti u fistinu dû Carnaluvari.

Carnaluvari anticu[cancia | cancia la surgenti]

Câ scuperta dill'ìsula ntô 1498 duranti u terzu viaggiu di Cristofuru Colombu, Trinidad addiventa territoriu e culonia dill'Imperu Spagnolu, avampostu strategicu e privileggiatu, grazzi a sô favurèvuli posizzioni giogràfica, pû cuntrollu dû vicinu cuntinenti currispundenti a chiddu chi ùoggi jè chiamatu Amèrica dû Sud. A Spagna c'avia cuntribuitu ô sviluppu e ô prugressu dill'ìsula, câ "Cedula dâ Pupulazzioni" (Cedula della Popolazione) dû 1783 chi stìenniu e favuriu l’europei c’aviunu ntinzioni di trasferirisi a Trinidad. Cû sta liggi i culoni francisi, pî fujeri ê strammamenti dâ Rivuluzzioni francisa in patria, chê schiavi creoli, omini di culuri e mulatti libbiri dill'ìsuli vicini di Saint Vincent, Grenadine, Grenada, Guadalupe, Martinica e Dominica, pupularunu Trinidad pî travagghiari ntê piantagiuni di canna da zuccuru, ncintivati cû tassi cchiù liggìeri pî deci anni e l'assegnazzioni d'appezzamenti di terra bona pî zappari. A pupulazzioni in princìpiu fatta di Amerindi Caraìbbici e Arawak ìndigini, s'arricchiu di miticci e mulatti duvuti ê trafici di schiavi dall’Àfrica. Ntô 1797 Trinidad addiventa na culonia dû Regnu Unitu, c’una pupulazzioni di lingua francisi, sutta i liggi spagnoli e assemi a Tobbagu jè nziccata ntê territori d'Innie Britannici di Levanti (British West Indies), nomu duvutu a sbagghiata cunvinzioni dû scuprituri gènuvisi Colombu d’agghicari ntâ ll’Innia di Marcu Polu facendu strada via mari ntô versu cuntrariu. Sti nùovi immigrati fundarunu paìsi comu “Blanchisseuse”, “Champs Fleurs”, “Cascade”, “Carenage” e “Laventille”. U Carnaluvari jè impurtatu dê francisi, dirivatu da chiddu europeu, cunzatu e ammiscatu chê tradizzioni e usanzi dî schiavi. In princìpiu c’era u divietu di prisinziari ê fistini di stampu europeu e i servi cunfinati ntê sô casi. Cô tempu puru i schiavi furunu ammessi, cunzandu elementi propri cû chiddi dî patruni ma, spissu puru a imitari e qualchi vùota a buffuniari cû biffarda malizia u cumportamentu dî princìpali ntê balli màscarati. Fonnendu chiddi chi in princìpiu erunu festi pû raccoltu, fatti di sonu, cantu, ballu, dû Canboulay assemi a simulazzioni di cummattimenti chê vastuni e i riti prucissionali rievucativi e commemurativi ô lustru di ntorcie, u accumpagnamentu cantatu e ritmatu dû travagghiu ntê campi ntâ fumma àfricana Kaiso e pî timminari, a satira versu â malacrianza di na classi duminatrici e spissu arruganti, tuttu chistu custituisci l’abbozzu dû Carnaluvari di Trinidad e Tobbagu. Abulita â schiavitù ntô 1838, i discindenti àfricani liberarunu â versioni dû Carnaluvari pî stradi attraversu l'usu di tammuri, dî sezzioni rìtmichi comu u “bambù Tamboo” e di autri usi e custumi d’ogni nova pupulazzioni jùnciuta a Trinidad. Ùoggi na rievocazzioni dû Carnaluvari dî Schiavi “J'Ouvert”, câ faccia e u corpu tinciuti chê culuranti cchiù disparati, àbiti e robba strazzata, stiriddata, nzivata e lurda, si cilibbra cû longhi sfilati ntê matinati dû Lùniri Grassu. I cummattimenti simulati chê vastuni e l'accumpagnamentu musicali chê percussioni d'Àfrica di Punente furunu vietati ntô 1880, dùoppu i disòrdini Canboulay (Riots Canboulay) e i liggi ngrisi dill'epuca. I vastuni furunu canciati chê canni di bambù, chi furunu tonna vùota vietati pî evitari problemi di òrdini pubblicu. I percussioni ricumpareru ntô 1937 utilizzandu materiali di riciclu: “buttigghia e cucchiaru”, commogghi di pignate e di cati da munnizza, di padedde, biruni da benzina. I steel pans ùora sunnu na parti mpurtanti dâ scena musicali di Trinidad e sunnu na sezzioni pupulari dî cuncursi di musica denuminata “Canboulay”. In princìpiu signalati comu malacarni e tinti, quannu ntô 1941 a Marina dî Stati Uniti arrivò a Trinidad, i “Panmen” resuru pupulari sta nova fumma musicali e i strumenti tra i surdàti àmiricani, e chisti ntusiasti, ficiru canusciri a nuvità ntâ tuttu u munnu.

Carnaluvari modernu[cancia | cancia la surgenti]

U Carnaluvari di Trinidad e Tobbagu jè un fistinu annuali chi si teni ntê jùorni avanti u Mèrcuri rê Cìnniri e jè famusu pî custumi culurati dî participanti e i festi esuberanti seguendu un calannariu chinu c’anticipa di sumane i princìpali manifestazzioni. Nùmmurusi attrazzioni culturali interessunu tutti l’abbitanti dill'ìsula e i migghiara di furasteri agghicati pî l'occasioni, in esecuzioni finu e sfilati dû Lùniri e Màrtiri. “Si nun si fistiggia, si sta preparandu o si piensa ô Carnaluvari”, accussì amanu ripetiri i “Trini” dâ loru manifestazzioni. I priparativi durunu tuttu l'annu ma, i cilibbrazzioni si ràprunu dùoppu Natali pô “Boxing Day”, u 26 dicèmmiru, iùornu di Santu Stefanu quinni jè tuttu un festinu o un eventu musicali arrìeri a ll’autru. S’accumincia chê cumpitizzioni fra scole ê ballu di Calypsu, Limbu e impunenti cuncerti Soca. Sunnu prisintati i brani o culonni sonori dî vari bandi o gruppi màscarati, veri e propri crapuliamenti musicali ntê vari prugrammi radiu. I “Steelbands” o bandi di percussioni accumincianu i priparazzioni pî “Panorama”, a cumpetizzioni pî bandi dî “steel pan” chi si teni dô 1963. A cumpetizzioni Panorama finisci Sàbbatu Grassu ntâ nuttata pricidenti l'iniziu ufficiali dû Carnaluvari. U cori dâ festa musicali jè u Calypsu chi dô 1960 jè fusu câ musica e u stili funk p’addivintari soca calypsu attraversu l'interpretazzioni di “chantwells”. Cuncursi di custumi, “Stickfighting” o cummattimenti chê vastuni, di canti e balli sunnu cumpunenti mpurtanti dû festival. U Carnaluvari comu jè cilibbratu a Trinidad e Tobbagu si fistiggia puru in tanti autri cità dû munnu. Ntê zoni accumunati storicamenti dû Culonialismu Francisi o chi ospitanu grandi cumunità Caraìbbichi. Nazzioni comu Curaçao, Dominica, Santa Lucia, Anguilla, Antigua e Barbuda, Aruba, Barbados, Grenada, Haiti, Giamaica, Guadalupe, Saint Vincent e Grenadine, Saint Kitts e Nevis, Saint Martin, ntê Ìsuli Vèrgini, ntê Stati Uniti e U.S. Ìsuli Virgin hannu u denominaturi cumuni dâ cilibbrazzioni dô J'Ouvert. I grossi cumunità Caraìbbichi all'esteru organizzanu impunenti fistiggiamenti in dati differenti chi vannu da New Orleans, Miami cô “Miami Carnival”, Houston cô “Carifest”, Toronto cô Caribana, New York City cô "Labor Day Carnival - Day Parade West Indian” o “Crown Heights” quarteri di Brooklyn pî finiri cû ll'ultimu appuntamentu duranti l'ultimu “bank holiday" d'austu a Londra cô "Notting Hill Carnival" u cchiù affuddatu. Pî l’elencu completu dî fistini dû “Caribbean Carnival” viri Carnaluvari Caraìbbico ntô munnu.

Lùniri o J'Ouvert[cancia | cancia la surgenti]

J'Ouvert jè a cchiù rituali dî cilibbrazzioni cchiù antichi esprissioni dî storia, folklore e cultura dill'ìsula. Tìnciuti dî cioccolatti, grassu, ùogghiu e pittura, pìci, melassa, bandi bucianti di figuranti mimunu diàvuli, dimoni, mostri e fùodditti scurdandusi ogni inibbizzioni e scìummicandu u scantu dû scuru, ricaccandu l'esprissioni cuntenta, filici e fistusa dê schiavi ntê fistiggiamenti pî la riattruvata libbirtà dâ schiavitù cuncessa ntô 1838. Esprissioni dâ libbirtà riattruvata, rasenta l’eccessi propriu ntâ riproposizzioni dî riti dû Carnaluvari, jè ipotizzabili chi cetti tradizzioni J'Ouvert riportinu â memoria i dìsordini civili di Portu di Spagna, quannu â genti si nzinvava d’ùogghiu o virnici o pìci p'evitari d’essiri ricunusciuta. Si u Màrtiri jè u iùornu dâ festa, dî sensi, dû divertimentu, u J'Ouvert jè u iùornu dâ giuiusa rievocazzioni, dû ricunuscimentu dî propri radici, d'affermazzioni d'appartininza incancellabbili a identità culturali cunchiuduta e cunsolidata. Cû l'“Emancipation Bill” i discindenti dê schiavi adottunu i pratichi Canboulay comu fistiggiamenti pî cilibbrare l'“Emancipation Day”, iùornu fistiggiatu inizialmenti u 1° austu, anticipandulu â notti a cavaddu fra a Dumìnica e u Lùniri Grassu. Lùniri ê 04:00 i rituali accumincianu ntô gghinu dâ notti, in princìpiu ntô silenziu cchiù funnu chi va via via pupulandusi da tirrificanti fijuri chi fummunu prucissioni fra esilaranti e criscenti ritmi di musica soca sparata a tuttu volumi da TIR musicali satando “jumping up” a migghiara pî stradi facendu “wining” o “gyrating of the hips” o “annacamentu dî cianchi, dî natichi e dill’anchi”. L'eccitazzioni e u divertimentu arrivunu a picchi auti ma, u “J'Ouvert” custituisci sulu na specie di riscaldamentu pî chiddu chi si pruspetta câ sfilata dû Màrtiri Grassu. I tradizzioni dô J'Ouvert varianu assai da nazzioni a nazzioni dû comprensoriu dê Caraìbbi. A Trinidad e Tobbagu, na parte di tradizzioni detta l'usu di culuranti supra i corpi dî participanti canusciuti come "Jabs Jab". Tuttu chistu trova funnamentu ntô sviluppu agricolu in origgini e successivamenti, ntô setturi minerariu e petroliferu ntê l'ultimi decenni, nun scurdandusi dâ prisenza dû cchiù granni Lagu di pìci dû munnu. I tempi sunnu canciati pur ntô rispettu di tradizzioni, sempri cchiù usati culuranti fatti apposta supra a fisici scattanti e sculpiti, custumi nichi chi dannu risautu a corpi statuari chi di travagghiu ntê campi o ntê mineri hannu vistu picca. Sensualità e beddizza, frivulizza e faccia tosta, esteriorità e cuinvolgimentu, ammiccamenti e rapimentu di sensi ntô ritmu cullittivu unni i veri patruni sunnu i flussi d’ormoni e i scarichi d'adrenalina misi in circulu da allentati freni dâ libbidini. Ntâ l'ìsuli di Dominica, Santa Lucia, Guadalupa, Saint Martin e Haiti i participanti cilibbrano sunandu flauti e cunchigghie o battendu tammuri di peddi di capra, ferri da stiru o vastuni di bambù e cantandu canzuni pupulari. J'Ouvert jè parti integranti dô Carnaluvari ed jè suggettu a tanti influenzi: spagnola, ngrisa, francisa, àfricana, inniana e di tanti autri gruppi etnici chi hannu lassatu signali incancellabili.

Màrtiri - Carnaluvari oggi[cancia | cancia la surgenti]

N’esplosioni di culuri, affuddati gruppi màscarati, custumi spettaculari, trascinanti musica, trasgressivi bisbocci, party bagordi carichi di adrenalinica trasgressività e tanta poliedrica criatività, ciumi di Rum e birra, u Carnaluvari di Trinidad ha espurtatu similari cilibbrazzioni ntâ tuttu u munnu ma, nessun'autra manifestazzioni pò rivalìggiari e cumpitire in tema d'abbandunu d'inibizzioni, eufuria e splendidu, stupendu spittaculu. A sfilata dû “Carnival Tuesday” o Màrtiri Grassu jè nticipata dall'assembramentu di numerusi e affuddate band chi cumincia prestu quannu cintinara di migghiara di fijuranti in custume, secundu u tema dâ propria sezzioni e gruppu màscaratu, si spieguno pî l'ammassamentu ordinatu e u corteu dô protocollu e pircursu prestabilitu. Ogni banda segui un cuncettu prestabilitu: storicu, mitologicu, attuali o tropicali, cuncetti chi ponnu seguiri variazzioni a secunda di sezzioni chi cumpungunu i gruppi senza mai alluntanarisi dû tema princìpali. L'itinerariu dû corteu prividi u transitu attraversu u “Queen’s Park Savannah” u cchiù granni parcu citadinu unni di frunti a telecameri e na giuria i vari sezzioni di gruppi scatinunu u propriu dinamismu pi la cunquista dû titulu di "Champion Band" e essiri primiata cû titulu "Masquerade Band of the Year". Quannu ê 00:00 dû Mèrcuri rê Cìnniri (Ash Wednesday) impruvvisamente s’astutunu i luci e l’altoparlanti si zittisciunu, tra figuranti surati e facci chi chiànciunu temmina ufficialmenti un Carnaluvari e si jettunu immediatamenti i basi pî chiddu successivu.

Carnaluvari - Struttura[cancia | cancia la surgenti]

U schieramentu ô "Gran Baccanal" dû Màrtiri Grassu.

Date Carnaluvari[cancia | cancia la surgenti]

U prospettu mmustra i dati dô Carnaluvari dî Trinidad e Tobbagu dû 2013 finu u 2020.[1]

Calannariu Annu Carnaluvari Lùniri Carnaluvari Màrtiri
2013 Fìvraru 11 Fìvraru 12
2014 Marzu 3 Marzu 4
2015 Fìvraru 16 Fìvraru 17
2016 Fìvraru 8 Fìvraru 9
2017 Fìvraru 27 Fìvraru 28
2018 Fìvraru 12 Fìvraru 13
2019 Marzu 4 Marzu 5
2020 Fìvraru 24 Fìvraru 25

Cumpitizzioni[cancia | cancia la surgenti]

  • Steelpan. Cumplessi ntê sezzioni nichi, menzane e granni.
  • Band. Gruppi màscarati ntê sezzioni nichi, menzane e granni.
  • Stickfighting. Cummattimenti chi vastuni.
  • Panorama.
  • Calypsu e Limbu.
  • Kiddies Carnival o Carnaluvari dî Picciriddi.
  • Calypsu Monarch.
  • Soca Monarch. Ntê sezzioni “Groovy” e “Power”.
  • Kings e Queens. U Re e a Riggina assuluti dû Carnaluvari scelti medianti cuncursi fra i Re e Riggini dî Band.

I cuncursi musicali custituisciunu a colonna dû Carnaluvari. Esseri numinatu “Calypsu Monarch” jè unu dî cchiù granni unuri dû paisi e a cumpetizzioni va in onda supra i riti televisivi nazziunali. Trinidad e Tobbagu jè multiculturali (amerindi, europei, àfricani, inniani, cinisi e dû Mediu Orienti) e tutti i sô gruppi hannu cuntribuitu ad alimentari i nfluenzi musicali e i soni dû Carnaluvari. Sti culturi hannu datu vita a na musica assai diversa da chidda dû “Carnaluvari in Spagna”, “Carnaluvari di Venezzia” o “Carnaluvari di New Orleans”. I custumi dî Re e Riggini di grandi dimensioni hannu un ruolu importanti ntê cilibbrazzioni dû Carnaluvari di Trinidad. I participanti vestunu custumi elaburati, riccamenti decurati chê piume e paillettes. Bande di Carnaluvari sonnu gruppi organizzati cumposti da participanti chi pagunu pî custumi elaburati da stilisti e cuciuti da squadri di vuluntari. A danza in custume di participanti pî stradi jè garantita dô sonu di na steel band, na fanfara o un dj soca a bordu di tir musicali: tuttu chistu si riassume ntô tèrmini “jucare mas”. Na carattiristica unica da sfilata jè chi a genti dû postu e furasteri partecipanu a parata dî bande. Ogni banda jè guidata da un Re e da na Riggina chi vestunu custumi assai granni chi spissu richiedunu estensioni e i roti pî aiutari i “Masquerader” a puttarli pî stradi. Ogni annu la “Dimanche Gras” (Dumìnica dî Carnaluvari) un cuncursu jè tenutu pî assegnari u titolu di Re e Riggina dû Carnaluvari. U Carnaluvari dû Lùniri e Màrtiri, i band sunnu in cumpetizzioni pî vinceri u titulu di Banda dill'annu. I picciriddi s’arricrianu partecipandu a “Carnaluvari di Picciriddi”, a cuncursi e sfilati chi si svolgiunu i semani prima dû culmini dû festival. U Carnaluvari fa parti dû programma di studi nazziunali, diversi piani di studiu si svolgiunu pressu i scoli di tuttu u paisi. Spetta all’autorità reggionali organizzari e gistiri manifestazzioni simili ntê città cchiù nichi e ntê villaggi.

Gruppi[cancia | cancia la surgenti]

Ê cumpetizzioni partecipunu numerusi Band chi seguonu un tema assegnatu chi caratterizza u generi dû custume. Â singula Band jè cumposta da svariati sezzioni cuntraddistinti da variazzioni di custumi nell'ambitu dû stissu tema. Capi Band e stilisti cumincianu a travagghiare supra i prisintazzioni cû misi d’anticipu. I custumi sunnu disponibili pî l'acquistu ô campu mas. Alcuni campi offrunu custumi in vindita online e tutta na serie di servizi chi vannu dà Sicurezza all'assistenza medica, dà lugistica ô catering, supporti nicissari pî affruntari i 16 uri dû corteu ô soli di Portu di Spagna. Ogni Banda nomina un Re e na Riggina dà Band, i quali partecipanu all'assegnazzioni dû titolo di Re e Riggina assuluti dû Carnaluvari.

Elencu dî Band o gruppi màscarati partecipanti all'edizzioni "Gran Bacchanal" Carnaluvari 2013.

--------------- 1 --------------- --------------- 2 --------------- --------------- 3 --------------- --------------- 4 --------------- --------------- 5 --------------- --------------- 6 --------------- --------------- 7 ---------------
Blissl Brian Mc Farlane Colorz Fuh So D Celebrities D Harvard Boys D Harvard Revellers D Krewe
Dream Team Explosion Carnival Fantasy Carnival Genesis Glenn Carvalho Harts Image Nation Mas
Island People Just Friends K2K Alliance Legacy Oasis Carnival Paparazzi Carnival Roam Mas
Ronni e and Caro Rosalind Gabriel Rugeri Mas Sobeit Sonia Mack Spice Carnival
Strictly Alternative Mas The Word Carnival Tribe Trini Revellers Utopia Mas Wee International Yuma

J'Ouvert Bands

----------------------- 1 ----------------------- ----------------------- 2 ----------------------- ----------------------- 3 ----------------------- ----------------------- 4 ----------------------- ----------------------- 5 -----------------------
1st Trace Again J'ouvert Band Bail Out The J'ouvert Experience Blue Brats J'ouvert Bubble Bath J'ouvert Band Caesar's Army
Chocolate City Chocolate City Mas D Image People De Cocoa Crew & Friends Dirty Dozen
Every Thing J'ouvert Fantasies J'ouvert Fantasy J'ouvert Foamatic Insomnicas
Jungle Fever J'ouvert Kampus Boyz Lords of Paint Mas Jumbies Menage a Trois
Mudders International Mudsterz Ink QPCC J'ouvert Red Ants (Drunky Munky) Red Jokers
Simply J'ouvert Whyte Angels Yellow Devils

Kiddies Bands

--------------- 1 --------------- --------------- 2 --------------- --------------- 3 --------------- --------------- 4 --------------- --------------- 5 --------------- --------------- 6 ---------------
Carnival Babies D Midas Gerard Kelly Image Nation Mas Rosalind Gabriel Spoilt Rotten Kids

Màschiri[cancia | cancia la surgenti]

Pirsunaggi Discrizzioni
Blue Jab Molassie Diàvulu màscarato tinciutu di blu. A melassa ricorda u culuri brillanti dâ peddi niura dî pupulazzioni àfricani. Sempre in relazzioni o travagghiu princìpali dill'ìsula unni eranu mpignati i schiavi, ntâ cultivazzioni da canna di zuccuru e ntâ 'strazzioni dî dirivati.
Baby Dolls ritrai na bambula vistuta allegramenti c'un picciriddu ntê vrazza raffiguranti un figghiu illìggittimu. Minazza e duna cuorpa ê masculi cû pritestu d'essiri u patri dû picciriddu. Màscara in dìsusu.
Bats Taddariti, sucasangu.
Bookman notu comu "Gownman" o "Righellu". U "Bookman" potta na pinna e un libbrazzu unni scrivi i nomi dill'animi pû diàvulu.
Burrokeet veni da palora spagnola "burroquito": sciccareddu. A fumma dû custumi ricacca a fiuracavaleri a cavaddusceccu.
Cow Band accùodda ê tempi dû "Canboulay", era privileggiu dî ghiancheri travistirisi dî vacchi o da jenchi. Restùnu in usu i cappeddi d'ogni fumma e materiali chê cùorna .
Dame Lorena o "Dame Lorine", fijùra di custumi bissati dâ nobbiltà francisa dû 18° e 19° seculu.
Indiani Fancy pirsunaggi chi richiamanu i pupulazzioni indìggini d’Amèrica dû Nord.
Grenade Pierrot pirsunaggiu chi discuti i temi dû iùornu accompagnatu da ministrelli "Minstrel", giullari spertu, coltu, orgogghiusu, spassusu e sarcàsticu, muntùa ô spissu pirsunaggi shakespeariani. Assumigghia assai a Arlecchinu.
Jab jè u tèrmini "patois" francisi o fumma dialittali pî "Diable" o "Devil" pî innicari u Diàvulu.
Jab Jab o Jabs Jab jè u tèrmini ca stissa dirivazzioni dû pricidenti e innica i Diàvuli cchiù tinti. Oltre i Jab Jab ncludi i "Mas Devil", i "Beast King", i "Mas Drago" ê quali si attribuisci na radicata cunuscenza dû beni, dû mali e tutti i loru elementi.
Jab Jab Jab jè u tèrmini chi innica tutta l'assimblea dê Diàvuli chi caratterizza u J'Ouvert.
Jab Molassie jè una di diversi varietà di "Mas" o Diàvulu màscaratu dû Carnaluvari di Trinidad e Tobbagu. U custume jè cumpostu da pantaluni cutti o tagghiati ô ginocchiu sempri cchiù sostituiti da pratici slip, na màscara e i cuorna. U “Molassie” potta catini, serraturi, chiavi attuornu a vita e mbrazza un furcuni. U corpu jè spalmatu di grassu, pìci, fangu o tinciutu di russu o di virdi o di blu. S’annaca facendu "vini" o "gyrates" accompagnatu dô battitu ritmicu fattu supra scatuli o padeddi da patti dî so fuodditti, autri c’arreggiunu a catina ntô tentativu dô manteniri fermu mentri fa la so danza sfrinata.
La Diablesse fijùra di fimmina bedda e fummusa, vesti abiti longhi d’un tempu, suttana e un granni cappeddu cô velu. U vestitu c’ammuccia u pedi rittu di vacca, u cappeddu e u velu c’ammuccianu a faccia di viecchia motta cû l’uocchi ardenti. Quannu si movi si senti u sonu di catini. Mbrogghia l’omini facenduci peddiri l'orientamentu e u sennu.
Midnight Robber pirsunaggiu mbrugghiuni, nu stili dirivatu dê cantastori àfricani Griot. Cunusciutu puri comu Talk Robber.
Minstrel musicanti in qualità di menestrellu erranti, si distingui pâ faccia tinciuta di biancu.
Moko Jumbies Fijùri supra i trampuli. "Moko" diriva dô nomi di un Diu dill'Àfrica di punente. L'altizza dî trampuli jè assuciata câ capacità d’aviri orizzonti cchiù llarghi e prividiri u mali in modu cchiù viloce dill’omini cumuni. U Jumbie Moko jè sentutu comu prutitturi dû villaggiu.
Molassie Devils jè u patois francisi pî “mélasse” o “melassa”. Prodottu ricavatu dâ centrifugazzioni dû sucu dâ canna di zuccuru. Dâ so firmintazzioni si ricava u rum e talvùota puru a vodka.
Lagahroo o Lagahoo o Loup Garou jè un pirsunaggio chi si prisenta comu n’animali dô bustu in giù e può anchi alterari i so dimensioni da nichi a granni ntâ n’istanti. Chistu jè fattu di notti, annaca e trascina catini e potta ntê mani na frusta simili a un mazzu di vastuneddi sicchi e canni.
Papa Bois dittu puru “Maître Bois”, vecchiu pilusu prutittori dê animali e dâ natura, vardiano dâ furesta. Dirivatu da "Sasabonsam" dî pupulazzioni AkanGhana.
Glow Mama o “Mama DLO” o “Mama Dglo” mità fimmina e mità serpi chê capiddi longhi e fluenti. Custodi di luoghi acquatici e umidi, fa coppia cû Papa Bois.
Negue Jadin pirsunaggio chi imitava i custumi europei, desuetu.
Sailor Mas fijùra chi ricacca i militari ngrisi, francisi e àmiricani sbarcati ntâ l'isula distinti ntâ “Francia Libera Sailor”, “Sailor Re” e “Sailor Fancy”. Balli eseguiti u Bote, Granchio, Marrico, Pachanga, Rock de Barca, Skip Jack e a Passeggiata Camel.
Soucouyant U Soucouyant comu entità vivi di iùornu comu na vecchia, cunfinata ntê periferie di zoni abitati. Di notte si spuogghia dâ so peddi rugusa chi metti ntô mortaru e vola ntê tinibri circandu na vittima assumendu i sembianzi di na padda di focu. Ntrasi ntâ casa dê vittimi disignati attraversu u purtusu da serratura o crepa o fessura p’andari a sucare u sangu e trasfurmari i malcapitatiu ntê so simili. Fìjùra nota puru cû nomi di “Ole-Higue Loogaroo”. Dirivata dâ "Sukundayo" dî pupulazzioni FulaMauritania e Camerun o "Obayifo" dî pupulazzioni AkanGhana.
Duens o “Dwens”: spiriti dî picciriddi non battiati; Fijùri dirivati dê cridinzi dî pupulazzioni EfikNigeria, Camerun e dî Guinea. Pressu i tribù "Kalabari" sunnu spiriti d’infanti chi nun hannu superatu i riti d'inizziazzioni o i 7/9 giorni di vita e quinni nun abbastanza forti da essiri cunsidirati a chinu titulu membri dâ famigghia e dâ cumunità.
Autri Elencu di pirsunaggi dû folklore: Fùodditti; “Jumbee” o “Jumbie” o “Mendo” jè un tipo di spiritu o dimoniu mitologicu; “Gang Gang Sara” strega binigna àfricana dû Viculu d'Oru; “Buck” o Dollaru; Sireni e “Fairymaids”; Striguni; “Silk Cotton Trees”: alberi di sita e di cuttuni dimura di spiriti Duppies e Duens; “Duppies”: fantasmi; “Jacakalantan” luci misteriusa chi appari e attrai a genti, fuorvianti pî incauti in zoni remoti facenduli peddiri, dissinnari e poi svanisci.

Edizzioni antichi[cancia | cancia la surgenti]

Galleria[cancia | cancia la surgenti]

Libri[cancia | cancia la surgenti]

Noti[cancia | cancia la surgenti]

U schieramentu Italianu ô "Gran Baccanal" dû Màrtiri Grassu.
  1. Trinidad Carnival Dates

Lijami nterni[cancia | cancia la surgenti]

Autri proggetti[cancia | cancia la surgenti]

Lijami di fora[cancia | cancia la surgenti]