Capu d'Orlannu

Dâ Wikipedia, la nciclupidìa lìbbira.
(Rinnirizzata di Capu d'Orlannu (ME))
Capu d'Orlannu
Capu d Orlannu.PNG
Muttu:  
Nomu ufficiali: Capo d'Orlando
Pruvincia: Missina
Superfici: 4,56 km²
Abbitanti: 13.202
Dinzitati: 906,73 ab./km²
Cumuni cunfinanti: Capri Liuni, Mirtu (ME), Nasu (ME), Turrinova
CAP: 98070-98071
Prifissu telefònicu: 0941
Situ ufficiali: {{{situufficiali}}}

Capu d'Orlannu è un cumuni di 13.202 abbitanti da pruvincia di Missina.

Lu tirritoriu di l'attuali cumuni prima appartinìa a lu cumuni di Nasu. Nta lu 1925, doppu manifistazzioni dâ pupulazzioni, lu 25 di giugnu s'ottinni la ndipinnenza e lu 27 di sittèmmiru di ddu stissu annu vinni cilibbrata ufficialmenti la nàscita di lu novu cumuni.

Capu d'Orlannu è cunzidiratu, assiemi a Sant'Ajta e Patti, una di li citati principali dû cumprenzoriu dî Nèbbrudi. Vivaci, attivu, rinumatu centru turìsticu e cummerciali, detti li natali ô pueta Lucio Piccolo, cucinu di Giuseppe Tomasi di Lampedusa (v. "Il Gattopardo"). Àutri llustri orlannini sunnu lu riggista Vittorio Sindoni e la giurnalista dû TG3 Giuseppina Paterniti. È sedi di attività artìstichi (pinacuteca cumunali, museu Villa Piccolo), di svagu (Tv locali, discotechi,cìnima, tiatru, portu, club Blues).

Panurama di Capu d'Orlannu

Storia[cancia | cancia la surgenti]

Storia Antica[cancia | cancia la surgenti]

Lu Nomi "Capu d'Orlannu" risali a l'epuca nurmanna, quannu fu battiata accussì in onori di na prisunta sosta du paladinu Orlannu mentri jeva nta terra santa. Pâ Liggenna a funnò Agatirsu, figghiu di Eulu, lu re dî venti e dî Isuli Eoli. La funnazzioni, sicunnu a liggenna, risali ô tempu da Guerra di Troia, ntunnu ô 1183 a.C. e nto principiu lu paisi avia sabbatu lu nomi di Agatirsu, "chiddu chi porta lu splendidu Tirsu": dunca stu paisi era sacru ô cultu di Dionisiu, aventi simbulu lu tirsu.

Novi seculi cchiù tardu, ntô 209 a.c., sicunnu li cronachi di Tito Livio, Agatirnu o Agatirsu, "sucitati di ladri, naddri e malifacenti", eppi na granni deportazioni: 4000 cristiani i portarunu in Calabbria dâ lu conti Levino, macari pî culti dionisiaci. Eni chista l'ultima traccia di Capu d'Orlannu prima di l'arrivu dî Normanni. Nautra tistimunianza eni di Goffredo da Viterbo, cappiddanu di Carlo Magno, chi rifiriu la decisioni dû l'impiraturi du sacru romanu imperu di ribattiarla cû nomi attuali (macari anchi pi livari dû nomi paganu). Ntô 4 di giugnettu dû 1299, si fici na battagghia navali d'avanti li costi di Capu d'Orlannu tra Giacumu II d'Aragona e Fidiricu III di Sicilia pâ riggenza di li Aragonesi ntâ Sicilia. Nu seculu cchiu tardu, ntô 1398, Capu d'Orlannu eni di nuovu citata ntî cronachi pî l'assediu di Bernardo Cabrera, cunti di Modica, chi circava Bartolomeo di Aragona, tradituri dû re Martinu I di Sicilia mmucciatusi ntô Casteddu chi s' attrova ncapu dû promontoriu da unni Capu d'Orlannu pigghia lu nomi. Ntâ sta occasioni lu Casteddu, usatu nzinu allura comu ruccaforti di guardia contru i pirati, vinni distruttu: ncuminzanu pirciò li sacchiamenti di pirati. Avemu du tistimunianzi ntô 1589 e ntô 1594, nzinu a realizzazzioni d'una postazioni di guardia, ntô 1645. Ntô 1598 attruvarunu vicinu o Casteddu du Capu na nica statua di na Madonna, chi sicunnu la leggenna a purtò San Cononi Abate. A comunitati locali fici costruiri ntô 1600 u Santuario di Maria Santissima, ora u simmulu da citati.

Àutri risorsi nnâ riti[cancia | cancia la surgenti]