Cantunovu

Cantunovu è nu gruppu musicali sicilianu di Sarausa.

Storia dû gruppu

Li Cantunovu, gruppu sarausanu, si fòrmanu ntô 1980. Lu sò scopu eni di valurizzari la mùsica dî tradizziuna pupulari siciliani.

Ntô 1986, li Cantunovu si custituìscinu 'n assuciazzioni (Associazione culturale Cantunovu).

Lu gruppu di canti e mùsica pupulari siciliana elàbbura li stilerni cràssici dî miludìi pupulari isulani, arricchènnuli cu sònura e ritmi c'urìgginaru di tutta l'ària miditirrània.

Ni sta manera, li mùsichi pruposti, puru siddu sàrvanu la mimoria stòrica di li canti antichi, s' apprisèntanu cchiù muderni.

Lu gruppu rapprisenta la sprissioni nova dâ mùsica miditirrània 'n Sicilia.

Cumpunenti dû gruppu

• Paolo Artale
• Romualdo Trionfante (rispunzàbbili)
• Matteo Siracusa
• Angelo Puzzo
• Luciano Rizza
• Mariano Cultraro
• Benedetto Saccuzzo
• Concetta Trionfante
• Maria Grazia Campanella

Discugrafìa

Hannu rializzatu 6 travagghi discugràfici:

Album

• Sicilia matri antica' (1987)
• Natali senza l'arvulu (1995)
• Passio Domini (1996)
• Petra Janca (1998)
• Livanti (2004)

Sìnguli

• A Giuseppe Costanzo Vìscuvu (2005)

Liami nterni

• Cantanti e gruppi musicali siciliani

Liami sterni

• Situ ufficiali