Campurutunnu Etneu

Dâ Wikipedia, la nciclupidìa lìbbira.
(Rinnirizzata di Campurutunnu Etneu (CT))
Campurutunnu Etneu
Camporotondo Etneo-Stemma.png
Dittagghi: Stemma di Campurutunnu
Muttu:  
Nomu ufficiali: Camporotondo Etneo
Pruvincia: Catania
Superfici: 6 km²
Abbitanti: 2.937
Dinzitati: 490 ab./km²
Cumuni cunfinanti: Belpassu, Mustarjancu, Motta Sant'Anastasia, San Petru Clarenza
CAP: 95040
Prifissu telefònicu: +095

Campurutunnu Etneu (dittu Campurrutunnu ntâ parrata lucali) è un cumuni di 2.937 abbitanti dâ pruvincia di Catania, havi na supirfici di 638 èttari cu na dinzità abbitativa di 490 abbitanti pi chilòmitru quatratu. E' misu ntâ cullina a 450 metri supra lu livedu dû mari e pigghia lu sò nomu dâ furma rutunniggianti dû tirritoriu stissu ( ntô 1863, si cci agghiunciu "Etneu" pri la vicinanza câ muntagna Èttina).

La stòria[cancia | cancia la surgenti]

Li primi nutizzî stòrichi supra a Campurutunnu, s'attròvanu ntô XVI seculu; tannu, iddu era unu dê tanti casali sparpagghiati ntornu ô tirritoriu catanisi e, accussì comu a tanti àutri casali, quannu, p’aggiustari li finanzi di la curuna spagnola, lu re Fulippu IV detti a vìnniri beni dû dimaniu riggiu ca avìa ntâ Sicilia (nzèmula ô pussidimentu, a cu accattava, vinìa datu macari nu tìtulu nubbiliari di prìncipi o di marchisi), macari Campurutunnu s'attruvau ô centru di nu cumpressu mircatu d'accatta e vinni. La corti ci detti ô ginuvisi Andria Massa l'autoritati di putiri accattari "pi cuntu" lu nùmmiru di Casali ca iddu cunziddirava nicissariu, p'appoi vinnilli 'n modu cchìu vantaggiusu.
Fu accussì ca Antoniu Reitanu si l'accattau ntô 1649 pajannu 2.800 onzi e appoi ntô 1654 passau a Diegu Reitanu, ca appi l'annu dopu lu titulu di marchisi.
A marzu dû 1669 l'abbitatu fu distruggiutu dâ culata làvica di l'Èttina e tannu tanti dê risidenti s'arifuggiaru a Catania, unni assai aristaru senza cchiù turnari ô paisi. N'àutru disastru, lu trimotu dû 1693, fici calari ancora cchiù assai la sò populazzioni.
Ntô 1730 lu pussessu feudali dû marchisatu passau, pi via matrimoniali, â famigghia Natòli. Ntô 1812, chê rifurmi amministativi borbònichi e l'abbullizzioni dâ feudalitati, Campurutunnu addivinatau cumuni autònimu.