Bonu tempu e malu tempu nun dùranu tuttu lu tempu

Dâ Wikipedia, la nciclupidìa lìbbira.

Bonu tempu e malu tempu nun dùranu tuttu lu tempu è nu pruverbiu di la tradizzioni linguìstica siciliana. Lu significatu di la sintenzia è: lu beni e lu mali sunnu ammiscati nti la vita, nun cci pò èssiri sulu beni o sulu mali. Si pò rifiriri a macari a lu clima, nti lu senziu ca nun cci pò èssiri sempri lu suli o sempri chiòviri, ma macari nti sta ntrirpretazzioni cc'è alliata la vita umana. Assai canusciuta e ccu lu stissu significatu è la sintenzia di lu firm Lu Corvu ca dici: Nun pò chiòviri ppi sempri .

Citazzioni[cancia | cancia la surgenti]

Lu pruverbiu è citatu e spigatu nti la Raccolta di proverbj siciliani ridutti in canzuni di l'abbati Santu Rapisarda.

«  Càncianu tutti cosi attempu attempu,
cancialu spissu d'aspettu lu campu,
viditi sparagghiari tuttu a un tempu
ddu celu, ch'hà mannatu cchiù d'un lampu:
cussì cunsolu a cui non si cridi 'ntempu
di scatinarsi cchiù di lu sò 'nciampu,
dicènnucci, ca bonu e malu tempu,
non dura tuttu tempu, e cci lu stampu.  »
( Raccolta di proverbj siciliani ridutti in canzuni )


Vuci cunzigghiati[cancia | cancia la surgenti]