Basiliani

Dâ Wikipedia, la nciclupidìa lìbbira.
(Rinnirizzata di Basilianu)

Li mònaci basiliani sunnu nu muvimentu riliggiusu chi pigghia l'origgini di San Basili, vissutu ntô IV sèculu e di la regula chi nstaurau. Lu muvumentu si diffunniu di l'orienti all'uccidenti, unni fu ufficializzatu sulu â fini dû mediuevu. Ponnu perciò essiri ortudossi o cattolici.

A diffirenza di vari autri muvimenta riliggiusi, li basiliani nun praticanu l'eremitaggiu, ma si riunisciunu n cenobbiu, funnannu cumunità basati nti veri e propri cunventa-cittadelli, vicinu ê centra abbitati, unni dunanu travagghiu a cu nun havi travagghiu e cunfortanu li poviri.

Li basiliani nti l'Italia miridiunali[cancia | cancia la surgenti]

Li tirritori di l'Italia miridunali suttuposta appartinenti ô mpiru bizzantinu vittiru la diffusioni di vari munasteri basiliani. Cu lu scisma d'orienti perciò li basiliani di l'Italia miridiunali eranu cchiù vicini ô patriarca di Custantinòpuli chi ô papa. N Sicilia cu la nvasioni àrabba, li basiliani avevanu picca cuntatti cu Custantinopuli, e quannu li nurmanni libbiraru l'Isula ntâ secunna mità dû XI sèculu, li cumunità basiliani vittiru di bon gradu li libbiratura, puru si vulevanu nstaurari na riliggiuni d'ubbidienza rumana.


Tra li cumunità basiliani cchiù mpurtanti ci fu senza dubbiu lu munasteru basilianu di San Micheli Arcancilu a Troina, lu cui abbati avia na certa nfluenza pulitica a livellu dû cuvernu nurmannu, grazzi â ricchizza di tirrina, e ê rispunsabbilità puliticu-ecunomicu e suciali chi lu cunventu avia avutu nti tutta la parti cintrali dâ Sicilia.