Barcillona (ME)
Di Wikipedia, la nciclupidìa lìbbira.
| Bacciallona Pizza Ottu | |
 |
|
| Muttu: | |
| Nomu ufficiali: | Barcellona Pozzo di Gotto |
|---|---|
| Pruvincia: | Missina (ME) |
| Superfici: | 58 km² |
| Abbitanti: | 41.569 |
| Dinzitati: | 717 ab./km² |
| Cumuni cunfinanti: | Castruriali, Merì, Milazzu, Santa Lucìa dû Mela, Termi Lugghiaturi |
| CAP: | 98051 |
| Prifissu telefònicu: | 090 |
Barcillona e Pizzaottu (o Baccialona ntâ parrata lucali) è nu cumuni di 41.569 abbitanti dâ pruvincia di Missina.
Ìndici |
[cancia] Giografìa
La sò ària è di 58,89 km2. Lu cumuni cunta circa di 42.000 abbitanti ca sù chiamati bacciallunisi e pizzauttisi, ma cacchidunu li nciurìa "mancia cagnola" i baccialunisi e 'nfummicati i pizzauttisi. Chistu picchi si cunta chi in tempu di guerra i baccialunisi si manciavanu i cani pi fami. A Pizzaottu, inveci, c'era na funnaci unni si facianu i matuni, e c'era na ciminera intra 'o paisi ('nta zona du vecchiu spitali) chi ittava fumu notti e jonnu... eccu picchi a 'nciuria di 'nfummicati. Pizzaouttu è ranni quantu menza città, e l'autra menza è Baccialona. Pizzaottu è moltu antica, mentri Baccialona è moderna. Sunnu divisi du ciumi Longanu, e si pi sfuttuna i comuni s'avissuru a dividiri attonna, tutti i cosi cchiù 'mpurtanti si trovanu 'nto territoriu i Pizzaottu. L'amministrazioni da città non s'avissi a scuddari chi avissi a curari puru i biddizzi di Pizzaottu, chi sunnu tanti, inveci di spenniri tutti i picciuli pi Baccialona.
[cancia] Urìggini dû nomu
Lu nomu havi urìggini di l'umònima citati spagnola. Ammeci l'àutra parti di lu nomu (Pozzo di Gotto) veni di lu nomu di Niccolò Goto, un nòbbili missinisi, chi avìa la patrunanza supra la Pizz'a Ottu.
[cancia] Econumìa
L'attivitati ecunòmichi principali sunnu l'agricultura, l'addivamentu (bovini e ovini) e l'artiggianatu. Li culturi privalenti sunnu li ciriali, la racina, li gissi, l'alivi, l'agrumi e li tabbacchi. Carattirìstica è la pruduzzioni artiggianali dû lignu e 'n particulari modu dî vutti.
[cancia] Miss Italia 2003
Francesca Chillemi, bacciallunisa di diciottu anni, fu Miss Italia 2003.
[cancia] Liami sterni
Pi sapìrinni chiassai supra la citati, putiti jiri a sti siti:
