Baguazhang

Dâ Wikipedia, la nciclupidìa lìbbira.

Nta l'arti marziali, lu Baguazhang (cinisi: 八卦掌, Pinyin: Baguàzhang, WG: Pa Kua Chang), ovveru lu palmo degli 8 trigrammi, è unu dî stili funnamintali dî scoli nterni dû wushu nzèmmula ô taijiquan e ô xingyiquan.

Urìggini[cancia | cancia la surgenti]

L'urìggini dû baguazhang è uggettu di cuntruversi: comu pi l'àutri stili nterni pari addirivari di la cumminazzioni dî tècnichi vecchi di cummattimentu e chiddi ginnàstichi dû wushu, cu l'esircizzi rispiratori e miditativi dî mònuci taoisti; tuttavìa la diffussioni è attribbuita di la maiuranza dî pratticanti a Dong Haichuan (Tung Hai-Ch'uan), natu ntâ pruvincia cinisa di Hebei ntô 1813, mortu a Pechinu ntô 1882.

Lu stili[cancia | cancia la surgenti]

La struttura dû baguazhang è basata supra la cosmoluggìa taoista e 'n particulari supra l'yijing (Lu libbru dî mutamenti) chi catàluca li finòmini di l'universu 'n gruppi d'ottu (chistu era cunzidiratu nu nùmmiru màggicu di l'antichi cinisi). Pi stu mutivu li tècnichi dî Bagua sunnu suddivisi 'n gruppi di 8: esìstinu nfatti 8 palmi (ovveru pusizzioni dû parmu dâ manu di tèniri duranti li tècnichi), 8 passi funnamintali e accussì vìa.

Funnamintali ntô baguazhang è la caminata 'n circhiu ovveru nu passu basatu supra lu cuncettu di pedi pernu utilizzatu pi sfùjiri la forza addiretta di l'avvirsariu.