Dècimu Magnu Ausoniu

Dâ Wikipedia, la nciclupidìa lìbbira.
(Rinnirizzata di Ausoniu)
Munumentu ad Ausoniu (Milanu)

Dècimu Magnu Ausoniu, megghiu canusciutu comu Ausoniu ('n latinu Decimus Magnus Ausonius) fu nu pueta latinu e nu maistru di ritòrica ca nascìu a Burdigala avveri lu 310 e murìu nti la stissa citati avveri lu 395.

Biugrafìa[cancia | cancia la surgenti]

Ausoniu jìu ad aducari Emiliu Magnu Arboriu, frati di sò matri. Si cunvirtìu a lu cristianèsimu e fu maistru di Paulinu di Nola e di lu mpiraturi Grazzianu. Fu questori sutta Valintinianu I e sutta lu stissu Grazzianu fu prifettu di lu Lazziu, di la Libbia, di li Gallii e a la fini cònsuli nti lu 379.

Òpiri[cancia | cancia la surgenti]

Sutta lu nomu di Ausoniu n'hannu tramannatu assai puisìi e ducumenti, li principali sunnu:

  • Epigrammaton Liber, cugghiuta di 150 epigrammi
  • Ephemeris
  • Parentalia, puemi curti.
  • Professores
  • Epitaphia Heroum, supra la Verra di Troia
  • Nu catàluggu di li primi dùdici Cèsari
  • Idyllia
  • Epistolae, vinticincu littri 'n parti 'n prosa
  • Periochae, riassunti supra l'Iliadi e l'Udissea

È assai ntirissanti macari na sò curta òpira annincata comu Nuptialis Cento, traduciuta comu "Nu cintoni nuzziali", fatta tutta para di citazzioni di Virgiliu. Lu puema cèlibbra nu matrimoniu ca va a finiri ccu na diflorazzioni, ccu n'ammiscamentu di stili e uscinitati.