Attacca lu sceccu unni voli lu patruni

Attacca lu sceccu unni voli lu patruni è nu pruverbiu di la tradizzioni linguìstica siciliana. Lu significatu di la sintenzia è: fai zoccu ti cumànnanu, oppuru cumanna supra zoccu pussedi.

Citazzioni

Lu pruverbiu è citatu e spigatu nti la Raccolta di proverbj siciliani ridutti in canzuni di l'abbati Santu Rapisarda:

	«  Mentri si' bonu ed hai li forzi sani travagghia senza fari lu lapuni; cerca sempri vuscàriti lu pani ccu vucca chiusa e la schina appuzzuni: e si t'impieghi ccu li genti strani, sèrvili boni e 'un èssiri putruni, l'asinu inzumma, dìssiru l'anziani, attàcculu unni voli lu patruni.  »
	(Raccolta di proverbj siciliani ridutti in canzuni)

Vuci cunzigghiati

• Pruverbi siciliani, nu veru granni alencu di pruverbi di la Sicilia.