Asad ibn al-Furat

Di Wikipedia, la nciclupidìa lìbbira.

Asad ibn al-Furat (Misuputàmia 759-Sarausa 828) fu nu jurista e teòlugu mpurtanti 'n Àfrica, mannatu di l'emiru Aglabbita Ziyadat Allah II a cunquistari la Sicilia.

Lu 17 di giugnu dû 827 Asad sbarcau 'n Sicilia e l'esércitu bizzantinu fu battutu. Riniscìu a pigghiari lu cuntrollu di Mazzara diriggennusi quasi sùbbitu a Sarausa, capitali bizzantina dâ Sicilia. Lu tintativu di cunquistari Sarausa fallìu : doppu diversi misi di assediu â cità, n'epidimìa s'abbattìu nti l'esèrcitu àrabbu, facennu straggi. Lu cumannanti Asad stissu murìu a Sarausa a causa di chistu e fu sippillutu ddà stissu. La tomba di Asad, ntâ zona di l'attuali parcu archeològgicu, puru si òi è pirduta, fu pi quarchi sèculu meta di pilligrinaggiu.

[cancia] Talìa puru

• Sicilia (èbbica àrabba)

[cancia] Bibbliografìa

• M. Amari Storia dei Musulmani di Sicilia, 1854.

	Storia dâ Sicilia
pristoria | èbbica finicia | èbbica greca | èbbica rumana | èbbica vànnala | èbbica gòtica | èbbica bizzantina | èbbica àrabba | èbbica nurmanna | èbbica sveva èbbica aragunisa | èbbica spagnola | èbbica piemuntisa | èbbica burbònica | èbbica cuntimpurània