Arthur Lintgen
Arthur B. Lintgen, nasciutu ntô 1942 n Filadelfia, è nu mèdicu miricanu ca sa fira a arricanusciri li dischi n vinili a occhiu nuru. Pi iddu chissu nun è nu putìri paranurmali o na pircizzioni extrasinzuriali. La sò abbilitati fu arricanusciuta di James Randi ntô 1982.
Si iddu avissi addichiaratu c'avìa na "facultati paranurmali"... cu nu bonu avvucatu forsi ca si fussi firatu a vincìri lu miliuni di dollari statunitenza misi in paliu di lu stissu James Randi ppi lu "One million dollar Paranormal Challenge" (Sfida Paranurmali di nu Miliuni di Dollari).
Quannu Arthur B. Lintgen viri nu discu in vinili sa fira a arricanusciri a musica 'nta na para di sicunna. Chissu picchi iddu penza ca putissi ssiri ca basa a sa canuscenza supra l'incisiona ca si virunu supra lu discu. Iddu sa fira a arricanusciri li sizziona unni a musica eni cchiu jauta di vulumi o cchiu calma, a lunghizza di ogni muvimentu e accussì via quasi comu si liggissi nu spartitu musicali.
Avi na canuscenza apprufunnita di la Musica classica iuropea ca ci pirmetti d'arricanusciri a musica; pâ isempiu, cu certi disca ca sonanu lu stessu piezzu ma pruduciùti di andustrii diffirenta, iddu sa fira alli voti a nutari a diffirenza e a idintificari lu dirittùri d'orchestra.
Chissa abbilitati eni strittamenti ristritta â musica urchistrali classica (musica sinfonica) cumposta di Beethoven. A sô upinioni eni ca a musica strumintali e da camira forma pircorsi ca nun sâ fira a arricanusciri, e ca li piezzi orchistrali prima di Beethoven sun di solitu truoppu simila 'nta a struttura ppi ssiri idinfiticati di iddu.