Artìculu 21 dâ Custituzzioni taliana

Dâ Wikipedia, la nciclupidìa lìbbira.

A sprissioni artìculu 21 nasci dô fattu ca a Custituzzioni taliana runa, appuntu, a l'artìculu 21 spazziu â libbirtati di stampa, ma accuminzau a avìri, supratuttu, nta lu linguaggiu giurnalisticu, lu significatu ginirali di libbirtati di sprissioni e d'informazzioni[1], simili a chiddu ca nta lu munnu angrusassuni avi lu Primu Imindamentu â Custituzzioni statunitenzi.
Lu finominu s'accintuau quannu nu gruppu di giurnalista e ommini pulitici custitujerru a ssociazzioni "articulu 21, libbiri di..." [1], nta li cui cuncressa fuorru prisenti pirsunalitati comu a Enzu Biagi e Romanu Prodi [2]. L'assuciazzioni parissi aviri nu rolu 'mpurtanti ppi dialucari cu l'istituzziona.[3]

Lu testu di l'artìculu[cancia | cancia la surgenti]

« Tutti anu dirittu di manifistari libbiramenti lu propriu pinzeru câ palora, cu lu scrittu e ogni autru mienzu di diffusioni.

A stampa nun poti essiri suggetta a auturizzazzioni o cinzura. Si poti prucediri a lu siquestru sulamenti pi n'attu mutivatu di l'auturitati giudizziaria nta lu casu di dilitta, ppi li quali a liggi supra a stampa l'auturizzanu isprissamenti, o nta lu casu di viulazzioni di li normi ca a liggi stissa priscrivi ppi l'indicazzioni di li rispunzabbili.
Nta sti casi, quannu c'eni n'assuluta urcenza e nun eni pussibbili lu timpistivu 'ntirventu di l'auturitati giudizziaria, lu siquestru dâ stampa piriodica poti ssiri isicuitu di ufficiala dâ pulizzia giudizziaria, ca anu immidiatamenti, e mai ruoppu li bintiquattru uri, fari dinunzia a l'auturitati giudizziaria.
Si chissa nun u cunvalida nta li bintiquattru uru succissivi, lu siquestru s'antiendi rivucatu e senza iffettu.
A liggi poti stabbiliri, ccu normi di carattiri ginirali, ca venunu fatti pubbrici li mienzi di finanziamentu dâ stampa piriodica.

Sunu vietati li pubbricazzioni a stampa, li spittacula e tutti l'autri manifistazzioni ca sunu cuntrarie a lu bon custumi. A lieggi stabbilisci pruvvidimenta adicuati a priviniri e riprimiri li viulazziona. »
(Custituzzioni râ Ripubbrica Taliana, Artìculu 21)


Li comma sincula[cancia | cancia la surgenti]

Lu primu comma arricuarda lu principiu dâ libbirtati di manifestazzioni di lu pinzeru. L'autri cinqu comma arricuardanu a libbirtati di stampa.

Gènisi storica[cancia | cancia la surgenti]

Lu particulàri mumentu nta cui upirau a Custituenti, a nisciuta di nu bintenniu nta cui a libbirtati era limitata, avia muttatu nu munzieddu ri pirsuni râ Custituenti, ccu n'ampia 'ntiza ntra currenti pruggrisista e mudirati, a individduari nta libbirtati di stampa unu di li cardina dô novu statu dimucraticu.
L'unichi riservi avieunu stati chiddi di nu cuntrollu di li manifistazzioni ca erunu cuntrari a lu bon custumi.

A tindenza, pirò, privalenti era chidda di cunzidirari a sprissioni sulu 'n senzu strittu comu libbirtati ri prudurri, senza cinzura privintiva, solu cu testa stampati.
Cinqui comma sunu picciò riricati intiramenti a stu prubblema, ma lu primu, nicu pâ sô sprissioni littirali, stabblisci nta na manèra cchiu ranni e rivoltu a tutta, a libbirtati d'esprimiri lu propriu pinzèru, nun sulu chie palori, scritta, ma macari cu qualunqui autru mienzu di diffusiona d'infurmazzioni.

Libbirtati d'"affissioni"[cancia | cancia la surgenti]

A prima udienza e a prima sintenza dâ Corti Custituzziunali taliana fuorru riricati â quistioni di l'art. 113 dô Testu Unicu dâ Pubbrica Sicurizza (T.U.L.P.S.) ca subburdinava a l'auturizzazzioni di l'auturitati di polizzia l'affissioni di li manifesta.
A Prisidenza dô Cunsigghiu dei Ministra arrapprisintata e difesa, di l'abbucatu ginirali dô Statu, avja sustinutu, in via principali, ca:

ntei rigguardi dâ liggislazzioni antiriuri â Custituzzioni nun avi luocu a giudizziu di liggittimitati custituzziunali, picchini li normi pricittivi dâ Custituzzioni 'mportanu abbroggazzioni dei Liggi antiriura ca sunu cu essa incumpatibbili e a rilativa dichiarazzioni eni di cumpitenza iscrusiva dô giudici urdinariu; mentri li normi custituzziunali di caràtti prugrammaticu nun impòrtanu difiettu di liggittimitati ri nuda di li lieggi vicenti ca su 'ntiriura â Custituzzioni.


Sicunnu a littura ca unu runi a chissa auturevuli 'mpustazzioni, lu primu comma di l'artìculu 21 avissi duvutu avìri solu nu caràttiri prucrammaticu: n'isortazzioni zoè a lu liggislaturi senza impattu direttu supra li cittadini.
Solu a parti rilativa â stampa avissu avutu nu caràttiri pricittivu, ma, supra a bbasi dâ discipplina dâ succissioni dei liggi, avissi ruvutu essiri compitu dâ nurmativa antiriori a l'imanazzioni dâ Custituzzioni avienu a ssiri ritinuti abbrocati.

A Corti Custituzziunali, prisiriuta di Inricu De Nicola, sustinu a so cumpitenza macari supra lu giudizziu di custituzziunalitati macari ppi li liggi antiriuri a l'imanazzioni dâ Custituzzioni dichiarannu dichiarannu l'incustituzzionalitati di l'articulu 113 di lu T.U.L.P.S. ppi cuntrastu cu chiddu cuntinutu nta l'art. 21 râ Custituzzioni.
Inizziau n'opira di svicchiamentu dâ nurmativa statali, accussini comu iriditata dei vicienni storichi di lu Statu libbirali e dô bintenni ri riggimi fascista.

Nta du mumentu storicu, difatti, l'articulu 113 dei liggi di Pubbrica sicurizza custitujeunu nu tassellu 'mpuranti dô cuntrollu di l'auturitati statali supra li manifistazzioni dâ libbirtati di pinzeru: a stampa piriodica avia lu cuntrollu da rispunsabbilizzazioni dei diritturi "rispunsabbili", l'iditoria dei barrieri custituiuti dei costa e dei miccanisma di distribbuzzioni, a radiu e a tilivisioni do monopoliu statali attraversu a RAI.
L'opposizziona avieunu truvatu nta li manifesta murali nu spazziu di sprissioni dô pinzeru, supra u quali, appuntu, l'auturitai amministrativa vulia isircitari nu cuntrollu privintivu.

Riquisita pâ dirizzioni di nu piriodicu[cancia | cancia la surgenti]

A Corti Custituzziunali dichiarau incustituzziunali a norma ca priscrivìa l'iscrizzioni a sizziuni "giornalisti" dô rilativu Albu, ritiniennu immeci sufficienti l'iscrizzioni a l'Albu rei pubblicista.

L'artìculu 21 e a "libbirtati d'antenna"[cancia | cancia la surgenti]

Supra a bbasi di sta visiuni ristrittiva dô dirittu di manifistari libbiramenti lu propriu pinzeru na ranni e trasvirsali parti dei currenti pulitichi avi sempri truvatu mutiva ppi ristrinciri a libbirtati di sprissioni, giustificannu a prisenza di nu monopoliu RAI nta lu campu radiutilivisivu, ca si basa supra u fattu ca i friquenzi dispunibbila sunu di nummiru limitatu.
A Corti Custituzziunali avi nta nu primu mumentu (1960) siguitu st'urientamentu, ma ccu rui sintenzi (rô 1974 e rô 1976) avi mmeci pstu propriu l'artìculo 21 dâ Custituzzioni comu funnamentu di nu dirittu cchiu ranni nun zulu ppi li sprissiona dô cpinzeru supra li fuogghi ri carta, ma macari ppi ogni autru mienzu di diffusioni.

A ciavi giuriddica ppi arribaltari lu pricidenti attiggiamentu a statu truvatu ntâ cunstatazzioni ca ntei cunfronta dâ tilivisioni satillitari, ca pâ ticnoluggìa nun arricuarda sulu friquenzi analoggichi, nun putièunu essiri invucati ddi limitatezzi dei risorsi dispunibbili, posti a funnamentu dâ liggittimati dô monopoliu statali.

Rouppu trint'anni di st'avvinimenta a statu lu stissu ministru Paulu Gentiloni nta lu missaggiu vidiuarriggistratu in occasioni dei 35 anni ri Telebiella a suttuliniari l'impurtanza dei rui sintenzi nun sulu ppa libbirtati di stampa, ma macari nta vita pulitica taliana.

L'artìculu 21 e internet[cancia | cancia la surgenti]

A liggi 7 marzo 2001, n. 62 Novi normi supra a l'idituria e supra i prudotta idituriali stabbilisci ca Ppi «prudottu idituriali», a li fina da prisenti liggi, s'antiendi lu prudottu rializzatu supra nu supportu cartaciu, cumpresu lu libbru, o sopra supportu 'nfurmaticu, distinatu a pubbricazzioni o, cumunqui, â diffusioni d'infurmazziona ppi lu grandi pubbricu ccu ogni mienzu, mancari littronicu o attraversu radiudiffusioni sunora o tilivisiva, ccu isclusiona dei prudotta discuggrafici o cinimatuggrafici.
Liggiènnu sta norma aisisti na currenti d'intèrpriti ca, sicunnu lu quotidianu "A Ripubbrica, ("La Repubblica" in lingua taliana) facìa parti macari lu sottusicritàriu Vannino Chiti, .[4] ca arritinìa ca lu mondu dâ riti avissi trasutu pienamenti nta norma cu na vasta appricazzioni dô principiu di na larga cuncizzioni ri cchi cosa eni nu "gghiurnali nta-linìa" ("online newspaper" nta lingua angrisi), ccu l'impurtanti cunsicuenza ca ogni situ avissi ruvutu avìri nu diritturi iscrittu a l'Albu dei giurnalista o rei pubblicista.
Nu certu secuitu di tali pusizziona s'avia avutu macari nta ambienta ggiurnalistici, ma nu forti muvimentu d'upioni sustinu ca ccu tali 'ntirpritazzioni a nova Liggi viulàva l'artìculo 21 râ Custituzzioni.
N'intirventu dicisu arrivau macari rô prupunenti, lu [diputatu]] Peppi Giulietti, prisirenti piraltru propriu di l'assuciazzioni "Artìculu 21", finu a quannu lu suttusicritariu Chiti, antirbinìu chiariennu li sô prima dichiarazzioni e indicannu li limiti pricisi dâ liggi: nun ci avissi statu mancu 'n zitu ca pricirientimenti nun avissi gghià l'obbligu di ssiri cunzidiratu "tistata ggiurnalìstica" cu accravamentu dei furmalitati d'arrigistrazzioni o di cuntrollu.[5].

L'intiressi ginrali a l'infurmazzioni[cancia | cancia la surgenti]

Ccu sintenza 15 giugno 1972 n. 105 a Corti custituzziunali stabbilìu ca “Isisti n'intiressi ginirali a 'nfurmazzioni - indirittamenti prutettu di l'artìculu 21 dâ Custituzzioni - e st'intiressa imprica, nta nu riggimi di lìbbira dimucrazzìa, pluralitati di fonta d'infurmazzioni, libbiru accessu a li stissa, assenza di 'ngiustificati ustacula e pastoie licali, macari timpuranii, â circulazzioni dei nutizzi e di l'idei”.

In isicuzzioni dâ stissa sintenza ccu 21 anni ri distanza lu Dicretu Liggislativu n. 68 dô 9 di aprili 2003, imanatu in attuazzioni dâ dirittiva 2001/29/CE “supra l'armunizzazzioni di cierti aspetti dô dirittu d'auturi e dei diritta cunnessi nta sucitati di l'informazzioni"”, ana statu intrudotti rilivanti nuvitati nta lu corpu dâ Liggi n. 633/1941 supra u dirittu d'auturi: rui morifichi arrigguardanu lu dirittu di cronaca e di critica garantitu, appuntu dill'artìculu 21 dâ Custituzzioni.

In particulari cô novu testu di l'artìculu 65: “A riproduzzioni o cumunicazzioni ô pubblicu di òpiri o matiriala prutetti utilizzati in occasioni di avvinimenti di attualitati eni cunzintita cu lu fini d'isircizzu dô dirittu di cronaca e nei limiti dô scopu infurmativu, sempri ca si indichi, salvu casu d'impussibbilitati, a fonti, inclusi l'auturi, si eni arripuratu".

Macari l'artìculu 70 accussini ricitava nta sô virsioni urigginaria:

“Lu riassuntu, a citazzioni o a riproduzzioni di brana o di parti d'opira, ppi scopi di critica, di discussioni e macari di 'nzignamentu, sunu libbira nta li limiti giustificati di tali finalitati e si nun custituisciunu cuncurrenza a l'utilizzazzioni icunomica di l'opira. Nta l'antoluggìi ppi usu sculasticu a riproduzzioni nun poti supirari a misura ditirminata dô rigulamentu lu quali avi a fissari li mudalitati ppa a ditirminazzioni di l'equu cumpenzu. Lu riassuntu, a citazzioni o a riproduzzioni anu a ssiri sempri accumpagnati dâ minzioni dô titulu di l'opira, di li nomi di l'auturi, di l'idituri e, si si tratta d'arriproduzzioni, di traduzzioni, dô tradutturi, qualora st'indicazziona ficuranu supra a l'opira arriprodotta: “

Lu novu testu rècita:
Lu riassuntu, a citazzioni o a riproduzzioni di brana o di parti di òpira e a loro cumunicazzioni ô pubblicu sunu lìbbira si sunu iffittuati ppi usu di critica o discussioni, nta li limita giustificati di tali finalitati e si nun custituisciunu cuncurrenza a l'utilizzazzioni icunomica dill'òpira; si iffittuati ccu li finalitati di 'nzignamentu o di ricerca scentifica l'utilizzu avissi a aviri luocu ppi finalitati illustrativi e ppi finalitati non cummirciali”. ”.
Rui sunu li nuvitati:

  1. a 'ntruduzzioni di l'isprissioni “cumunicazzioni ô pubblicu”, ca ricumprenni l'utilizzazzioni di tutta li mienzi di cumunicazzioni: chiddi ca isistièunu dô 1941 (ggiurnali e radiu)
  2. e macari chiddi antrodotta succissivamenti (tilivisioni e riti internet).

Lu dicretu Urbani[cancia | cancia la surgenti]

Nta l'occasioni di l'imanazzioni dô dicretu in tema di cuntrastu â piratirìa 'nfurmatica a statu sullivatu a quistioni di l'ampiezza ca li normi purtaunu a fari mali ei principia privista di l'artìculu 21 dâ Custituzzioni.[6].
In sedi di cummirsioni dô dicritu liggi l'uppusizziona ritirarunu l'imendamenta prisintati a fronti di l'impegnu dô cuvernu di virri attonna nta nu siconnu mumentu a nurmativa.
A fini dâ liggislatura arrivau prima legislatura dô mantinimentu di sta prumissa.

In Italia, inoltri, s'arripigghiau lu tema in occasioni dô dibbattitu ca vitti contrappostu lu parlamentu Iuropeu contra a cummissioni Iuropea nta lu tema di dirittu d'auturi e in Italia lu dibbattitu puliticu si "cuncintrau" supra lu "Dicretu Urbani" câ prumissa, finu a ora campata all'aria, di na rivisioni nta nu senzu cchiu pirmissivu.

Dirizzioni ri nu piriòdicu[cancia | cancia la surgenti]

Sintenzi supra a "libbirtati d'antenna"[cancia | cancia la surgenti]

Noti[cancia | cancia la surgenti]

  1. 1,0 1,1 Assuciazzioni art'culu 21, Origgini rô nomi: Nta lu piriòdu dô rifirendum supra a l'artìculu 18 senza autri spicificazziona accuminzaru a avìri nu cunnutatu cchiu particulàri. Li funnaturi di l'assuciazzioni vòsiru sprissamenti ricalcari sta spirienza ppi dari nu significatu cchiu ividinziatu â sprissioni "Artìculu 21" [1]
  2. Cuncressu Assuciazzioni Artìculu 21, Biagi Prodi [2]
  3. Presidente Bertinotti, Comunicato stampa [3]
  4. Internet, Intirvista in lingua taliana ô sottusicritariu [4]
  5. Internet, Nova 'ntirvista ô sottusicritariu (in lingua taliana)[5]
  6. Quistiona d'incustituzzionalitati di lu Dicretu Urbani, Interlex (lingua taliana) [6]

Bibbliuggrafìa[cancia | cancia la surgenti]

  • Gianluca Gardini I reguli di l'informazzioni' ("Le regole dell'informazione' in lingua taliana) Principia giuriddici, stigghi, casi - Brunu Mondadori ISBN 88-424-9154-3
  • A. Valastro Libbirtati ri cumunicazzioni ("Libertà di comunicazione e nuove tecnologie" Giuffrè.