Armistizziu di Cassìbbili
(Rinnirizzata di Armistizziu di Cassibbili)
L'armistizziu di Cassìbbili, siglatu ntô misi di sittèmmiru dû 1943, è l'attu cu ccui l'Italia cissò di cummàttiri contra li forzi nglisi e miricani (alliati) â secunna guerra munniali.
L'armistizziu fu firmatu circa dû misi doppu lu sbarcu anglu-miricanu, e pricisamenti lu 3 di sittèmmiru a Cassìbbili, vicinu Sarausa. Ma l'armistizziu è spissu chiamatu l'"8 di sittèmmiru" dâ data n cui fu pubblicamenti pruclamatu quarchi jornu doppu.