Aretuska
Aretuska è na band d'urientamentu ska/jazz siciliana. E' cumposta di musicisti ca vèninu di diversi spirienzi musicali e ca si furmau ntô 2001 a lu nternu dâ scena musicali sarausana supratuttu pi òpira di lu trummittista e frontman sicilianu Roy Paci.
Biografìa[cancia | cancia la surgenti]
'N principiu la band sona mùsica cu standard jazz n chiavi ska, ma succissivamenti attrova nu sound urigginali abbasatu supra l'ammiscamentu di diversi gèniri musicali , dû reggae a lu mambo, passannu pi lu folk sicilianu.
Ammìscanu vari mùsichi juncènnuli ntâ matrici giamaicana e crèanu nu stili urigginali. Propiu sti carattirìstichi cunzìgnanu a Roy Paci e a li Aretuska lu successu nazziunali e nternazziunali, e chistu li porta a esibbìrisi ntê palchi di tutta l'Europa. Ntô cursu dû tempu la band ha canciatu membri pigghiannu ntô sò urgànicu musicisti nun sulu siciliani.
Ntô 2007 nesci l'album Suonoglobal, veru varigatu musicarmenti e arriccutu di nummarusi cullabburazzioni cu àutri artisti taliani. Propiu a riguardu dî cullabburazzioni, li Aretuska hannu sunatu macari cu: Jovanotti, Manu Chao, Sud Sound System, Cor Veleno, Caparezza, Negrita, Meg (99 Posse), e Raiz.
Furmazzioni attuali[cancia | cancia la surgenti]
- Roy Paci - vuci, trumma
- Cico - vuci, coru
- Michele Minerva - bassu
- Emanuele Pagliara - chitarri, coru
- Alessandro "Jah-Sazzah" Azzaro - battarìa, pircussioni, coru, programming
- Marco "Skalabrino" Calabrese - tasteri, chianuforti, coru
- Giorgio Giovannini - trummuni
- Gaetano Santoro - sax tinuri e barìtunu
- Massimo Marcer - trumma
- Itaiata De Sa - pircussioni
Discugrafìa[cancia | cancia la surgenti]
Album[cancia | cancia la surgenti]
- Baciamo le mani (2002)
- Tuttapposto (2003). Ci sunnu canzuni 'n sicilianu: Ciuri ciuri, Sicilia bedda, 'U mercatu, e Che vitti 'na crozza.
- Parola d'onore (2005). C'è na canzuna 'n sicilianu: Nesci lu suli.
- Suonoglobal (2007)
- "BESTiario Siciliano" (2008) cd + dvd
- "Latinista" (2010)
Sìnguli[cancia | cancia la surgenti]
- 2002 - Cantu Siciliano
- 2002 - The Duse
- 2003 - Besame Mucho
- 2003 - Yettaboom
- 2006 - Viva la vida
- 2007 - Toda joia toda beleza (featuring Manu Chao)
- 2007 - Giramundo (feat Pau)
- 2010 - Bonjour Bahia