Palermu: Tra li circa 5000 mmigrati succurruti nti l'ûrtimi jorna ntô canali di Sicilia, n pruvinenza pi lu cchiossai dâ Siria e di l'Eritrea e partuti dâ Libbia, diversi tisitmunianzi di naufraghi pàrranu di circa 400 pirsuni scumparuti n sèquitu a nu varcuni ca culau.
Fu all'hotel Beau Rivage di Losanna ca li diligazzioni di principali putenzi s'ancuntraru cu l'iraniani pi mittìrisi d'accordu supra la quistioni nucliari n Iran.
Losanna: Amiricani e Iraniani annunciaru n'accordu supra la quistioni di l'arricchimentu di l'uraniu iranianu e la livata dî sanzioni ntirnazziuinali contra l'Iran. L'accordu, negozziatu puru cu àutri nazzioni, e n particulari lu gruppu 5+1 dê Paisi membri pirmanenti dû cunsigghiu di sicurezza di l'ONU, e la Girmania, comu puru cu espunenti dâ diprumazzìaeuropea, avissi a essiri priparatu pâ firma a fini di giugnu. Siddu trasi n vigori, putissi canciari cumpritamenti li equilibbri geustratèggici dê Mediu Orienti
