Abbilitati

Dâ Wikipedia, la nciclupidìa lìbbira.

Pi abbilitati si ntenni n'attitùtini, na spirtizza o na capacitati innata o accanzata ntô tempu câ spirienza o pi menzu d'àutri furmi d'apprinnimentu. È la capacitati di svòrgiri manzioni cumplessi n modu finalizzatu, organizzatu, razziunali p'adattàrisi a circustanzi spicìfichi usannu la spirienza. Lu tèrmini s'usa n gèniri n pedaguggìa (p'asempiu abbilitati linguìstica, ntô disignu, di littura), n attivitati spurtivi e lùdichi ma midemma ntô munnu dû travagghiu.

Addivintau usu cumuni utilizzari lu tèrmini ngisi skill pi nnicari lu midèsimu cuncettu, n particulari ntô campu dâ nfurmàtica o ntê joca videopi nnicari lu livellu di priparazzioni tècnica c'avi nu cristianu.

La "skill" ntê joca vidiu[cancia | cancia la surgenti]

Lu cuncettu di skill è nu cuncettu assai prisenti suprattuttu ntê joca di rolu e limmitannu lu cuncettu a stu gèniri di joca si pò diri c'ogni razza e ogni "classi" ci hannu na propia rosa di skill, quinni nu Nanu guirreru nun sulu è diffirenti di n'Elfu Latru, ma macari di n'Elfu Guirreru o nu Nanu Parrinu.

Parrannu sempri di joca di rolu, ê skills vennu mittuti ô ciancu l'attribbuti, ginirarmenti Forza, Spirtizza, Vitalitati (o Custituzzioni) e Maggìa (o Saggizza), a chisti s'agghiunci assai spissu la Ntilliggenza. L'attribbuti si distìnguinu dî skills pri lu nùmmiru difficirmenti variàbbili (comu già dittu, c'è un sulu attribbutu ca pò èssiri scurdatu, mentri li skills ponnu èssiri assai diffirenti d'un jocu a n'àutru) e pâ nnipinnenza dâ classi dû pirsunaggiu.

Ntô jocu video Diablo II, p'asempiu ogni classi (bàrbaru, amazzoni, palatinu, necromanti, maiara, e drùidi) ci havi na propia seri di skills, dividuti nta tri gruppi principali, ca sunnu dividuti nta tri rami. Cû crìsciri dû pirsunaggiu, si pò scègghiri quali skills sfruttari e putinziari, e quali no.

Ntô jocu Hattrick cu skill si ntenni una di l'ottu abbilitati dî quali sunnu dutati li jucatura di càuciu virtuali di Hattrick, ogniduna cu nu sò livellu spicìficu di bravura.

L'ottu skills sunnu risistenza, riggìa, cross, attaccu, parati, passaggi, difisa e càuci chiazzati. Lu livellu d'ogni skill è cumprisu ntra lu chiù vasciu pussìbbili, nasistenti, nzinu a arrivari a divinu, passannu p'àutri dicidottu catigurìi ntermedi. Ogni cauciaturi, â sò "nàscita", ci havi dî livelli priditirminati di skill, ca ponnu èssiri chiù o menu àutri. Pi migghiuràrili, è pussìbbili allenari li cauciatura nta na sula skill pi vota, cuntribbuennu, puru n virtuti di l'abbilitati dû nostru allenaturi virtuali, ô scattu dâ skill d'un livellu. Ogni skill, ca comu si dissi si manifesta ntôn giudizziu qualitativu, ci havi nu valuri nummèricu spicìficu, chî dicimali. Propiu la stima di sti dicimali, diversi p'ogni cauciaturi, è un mumentu chiavi dû jocu: si poti ditirminari lu valuri maiuri o minuri dû cauciaturi stissu. E' mpurtanti picchissu putiri distìnguiri ntra, p'asempiu, un livellu di skill accittàbbili vasciu e unu àutu. Tuttu chistu è pussìbbili sulu n virtuti dâ spirienza, ca tali dicimali sunnu rigurusamenti sicreti. Pi l'aiutu â stima poti èssiri usatu l'ìnnici TSI, ca rapprisenta, ntôn valuri nummèricu, la quantitati di l'abbilitati dû cauciaturi.

Nta l'FPS pi skill si ntenni l'abbilitati d'un jucaturi nta l'ammazzari àutri jucatura.

Pruverbi[cancia | cancia la surgenti]

  • Tri cosi cci nni vonnu ad arrichìrisi: un picca, un assai, un nenti: picca dinari, assai abbilitati, nenti cuscenza. [1]

Rifirimenti[cancia | cancia la surgenti]

  1. Pitrè, Giuseppe Biblioteca delle tradizioni popolari siciliani (1871-1913)