Àrcamu

Dâ Wikipedia, la nciclupidìa lìbbira.
(Rinnirizzata di Àrcamu (TP))
Àrcamu
Alcamu.PNG
Muttu:  
Nomu ufficiali: Àlcamo
Pruvincia: Tràpani (TP)
Superfici: 130,86 km²
Abbitanti: 45.985
Dinzitati: 353,7 ab./km²
Cumuni cunfinanti: Balistrati (PA), Calatafimi-Segesta, Campuriali (PA), Casteddammari, Murriali (PA), Partinicu (PA)
CAP: 91011
Prifissu telefònicu: 0924
Situ ufficiali: http://www.comune.alcamo.tp.it

Àrcamu è na città a 53 chilòmitri di Tràpani. N sicilianu l'abbitanti sunnu chiamati "arcamisi" (o a li voti "alcamisi" nta àutri parrati siciliani).

Storia[cancia | cancia la surgenti]

Lu nomu “Arcamu” nascìu ntô IX seculu dâ palora arabba Alqamah, “terra fangusa” pi fari a capiri la firtilitati dâ terra arcamisi, si dici videmma chi lu nomu veni di lu cumannanti arabbu Al-Kamuk, chi funnau lu primu nùcliu sutta lu munti Bonifatu. Lu primu documentu chi parra di Arcamu è di lu 1154 n’ un passu di lu libbru di Ruggeru scrivutu di lu giugrafu arabbu Al-Idrisi chi ammùntua Arcamu chi tannu era ncapu lu munti Bonifatu dunni ci abbitàvanu li cristiani, mmeci sutta ci stavanu li mussurmani.

La citati dunni s’attrova ora fu funnata ni lu 1233 di lu Mpiraturi Fidiricu II di Hohenstaufen (Fidiricu I di Sicilia) chi poi appi a assicutari li mussurmani pi nun farili strarriari cu li cristiani, vistu chi ci fù un ribellamentu di iddi di lu 1221 ô 1243, e dunca li cristiani pòttiru scinniri di la muntagna. Accussì li quattru quartera chi spartìanu Arcamu (S. Vitu, S. Liunardu, S. Ippolitu e S. Nicolò) addivintaru cristiani.

Fu tannu chi ddocu nascìu lu famusu pueta dâ Scola Siciliana Ciullu d'Àlcamu. La citati addivintau prima un feu dâ famigghia Ventimiglia ( e n’arristau na turri d’un casteddu ncapu lu munti Bonifatu) e poi passau sutta li Cunti di Muòrica chi vi lassaru un beddu casteddu chi s’ attrova ni la Chiazza di la Ripubbrica, ditta all'Arcamisi "Ncapu lu chianu".

Casteddu di li Cunti di Muòrica

Àrcamu Marina[cancia | cancia la surgenti]

E' na lucalità turìstica cu na plaja dorata troppu bedda di circa 11 Km chi ntâ stati si pòpula di turisti chi vennu di tutti li banni.

Talìa puru[cancia | cancia la surgenti]

Panurama di Àrcamu.