Àbbati

Di Wikipedia, la nciclupidìa lìbbira.

Àbbati è lu tìtulu appartinenti ô supiriuri di na cumunitati di dudici o cchiù mònaci. La parola diriva di abba, la forma siriaca dâ parola ebrea chi significa patri. 'N Siria, unni appi la sò urìggini, e 'n Eggittu, ô principiu fu utilizzatu comu tìtulu onurìficu e fu tribbutatu a ogni mònacu d'etati viniranna o di eminenti santitati. D'urìggini lu tìtulu nun cumpurtava l'usu d'arcuni auturitati supra la cumunitati riliggiusa. Dû livanti, poi, la parola passau ô punenti, unni trasìu nni l'usu ginirali pi disignari lu supiriuri di n'abbazzia o di nu monasteru.